Shan State Channel
စက်တင်ဘာလ၊ ၁၁ ရက်၊ ၂၀၂၄
ရှမ်းပြည်နယ်မြောက်ပိုင်း၊ လားရှိုးမြို့နယ် နမ့်ပေါင် နမ္မကျောက်မီးသွေး ကိုးကန့်တပ်ဖွဲ့(MNDAA)ကို စစ်ကောင်စီက လေကြောင်းဖြင့်ဗုံးကြဲတိုက်ခိုက်မှုကြောင်း (MNDAA)ဘက်က ထိခိုက်ကျဆုံးမှု များပြားပြီး အဆိုပါ မိုင်းရယ်မြို့ဘက်တွင်လည်း နှစ်ဘက်စစ်ရေးတင်းမာနေကြောင်း သိရသည်။
Photo Credit. Local
ပြီးခဲ့သည့် စက်တင်ဘာလ ၁၀ ရက်နေ့ နံနက်ပိုင်း ၁ နာရီခွဲ့ အချိန်နဲ့ ( ၁၀း၃၀)အချိန်တွင် စစ်ကောင်စီတပ်က အမှတ် ၃ ကျောက်မီးသွေးတွင်း ဒီဇင်ဘာရွာအနီး ကိုးကန့်တပ်ဖွဲ့(MNDAA) တပ်စခန်းကို လေကြောင်းဖြင့် ဗုံး (၅)လုံးကြဲတိုက်ခိုက်ခဲ့ပြီး နမ္မအုပ်စု ၀မ်နားနန်းရွာ အရှေ့ဘက်မှာရှိသည့် ရေကာတာကို ထပ်မံဗုံးကြဲလို့ကြောင်း (MNDAA)ဘက်က ထိခိုက်ကျဆုံးမှုများပြားကြောင်း သိရသည်။
နမ့်ပေါင် ဒေသခံတစ်ဦးက” စစ်ကောင်စီ လေကြောင်းနဲ့ ကိုးကန့်တပ်ဖွဲ့(MNDAA)နှစ်နေရာ လာကြဲသွားတာပါ။ အမှတ် ၃ ကျောက်မီးသွေးတွင်း ဒီဇင်ဘာရွှာအနီး (၅)လုံးကြဲသွားတာ (၅)လုံးစလုံးပေါက်ကွဲတယ်။ နမ္မအုပ်စု ၀မ်နားနန်းရွာ ရေကာတာမှာ (၁)လုံးပေါက်ကွဲတယ်။
ပြီးတော့ နားနန်းရွာဘက်မှာလည်း ၁ လုံးကျတယ်။ကိုးကန့်တပ်သားတွေ ထိခိုက်ဒဏ်ရာရတဲ့ တပ်သားတွေကို သံလွင်ကျေးရွာဘက်တို့ သယ်သွားတယ်”။
Photo Credit. Local
နမ့်ပေါင် နမ္မကျေးရွာတွင် စစ်ကောင်စီက လေကြောင်းဖြင့် ဗုံးကြဲတိုက်ခိုက်ပြီးနောက် မိုင်းရယ်မြို့နယ် မြောက်ဘက်ရှိ ၀မ်စန့်ကျေးရွာအုပ်စု ကုန်း၀ပ်ကျေးရွာကို ကိုးကန့်တပ်ဖွဲ့ (MNDAA)ဘက်ကလည်း စစ်အင်းအားဖြည့် တင်းနေပြီး နှစ်ဘက် စစ်ရေးတင်းမာနေကြောင်း သိရသည်။
ပြီးခဲ့သည့် စက်တင်ဘာ ၉ ရက်နေ့တွင် ကိုးကန့်တပ်ဖွဲ့(MNDAA)က ကုန်း၀ပ်ကျေးရွာရှိ စစ်ကောင်စီတပ်စခန်းကို ဒရုန်းဖြင့် ဗုံးကြဲတိုက်ခိုက်ခဲ့တာကြောင့် ကုန်း၀ပ်ကျေးရွာနှင့် လုပ်ခိုက်ကျေးရွာ အပါအ၀င် ဒေသခံပြည်သူများ ဘေးလွတ်ရာသို့ ထွက်ပြေးတိမ်းရှောင် နေကြရသည်။
