ဇန်နဝါရီလ ၃ ရက်၊ ၂၀၂၄
ရှမ်းပြည်မြောက်ပိုင်း သီပေါမြိုနယ် နမ့်လန်-သီပေါကြားရှိ မန်မွမ်းကျေးရွာအတွင်း ဆိုင်ကယ်နှင့် ထော်လာဂျီတစ်စီး ယာဉ်မတော်တဆဖြစ်ပွားခဲ့ကြောင်း စုံစမ်းသိရှိရသည်။
သီပေါမြိုနယ် နမ့်လန်-သီပေါကြားရှိ မန်မွမ်းကျေးရွာအတွင်း ယမနေ့ ဇန်နဝါရီ ၂ ရက်နေ့ ညနေ ၄ နာရီ ၄၀ မိနစ်ဝန်းကျင်တွင် ဆိုင်ကယ်တစ်စီးနှင့် ထော်လာဂျီ ယာဉ်မတော်တဆ ဖြစ်ပွားခဲ့ပြီး ဆိုင်ကယ်မောင်း နှင်သူ အမျိုးသားတစ်ဦး သေဆုံးပြီး တစ်ဦး ဒဏ်ရာရရှိခဲ့ကြောင်း သိရသည်။
အခင်းဖြစ်ပွားရာနေရာကို နမ့်လန်ဖြူစင်နှလုံးသား လူမှုကူညီရေးအသင်းက သွားရောက်ကူညီပေးခဲ့ရာ ဆိုင်ကယ်မောင်းနှင်သူ အမျိုးသားဟာ ထော်လာဂျီတက်ကြိတ်ခံလိုက်ရပြီး ပွဲချင်းပြီး သေဆုံးသွားခဲ့ ကြောင်း သိရှိရသည်။
ဒဏ်ရာရရှိသူနှင့် သေဆုံးသူအမျိုးသားကို နမ့်လန်ပြည်သူ့ဆေးရုံ ရင်ခွဲရုံသို ပိုဆောင်ပေးခဲ့ကြောင်း နမ့်လန် ဖြူစင်နှလုံးသား လူမှုကူညီရေးအသင်းက တာဝန်ရှိသူတစ်ဦးက သူ၏လူမှုကွန်ယက်စာမျက်နှာ တွင်ဖော်ပြထားသည်။
