စက်တင်ဘာ ၂၃ရက်၊၂၀၂၃
ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်၊ မိုင်းယုကျေးရွာအုပ်စုအတွင်း သွားလာလှုပ်ရှားနေတဲ့ ပလောင်တပ်ဖွဲ့ TNLA စစ်ကြောင်းနဲ့ ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSAတို့ဟာ ဒီကနေ့ နေ့လယ်ပိုင်းမှာ ပစ်ခတ်မှုတွေစတင်ဖြစ်ပွားခဲ့ပြီး ညနေပိုင်းအချိန်မှသာ သေနတ်သံတွေ ရပ်စဲ သွားခဲ့ပါတယ်။
ဒီကနေ့ စက်တင်ဘာလ ၂၃ ရက်နေ့မှာ ရှမ်းပြည်တိုးတက်ရေးပါတီ၊ရှမ်းပြည်တပ်မတော် SSPP/SSAရဲ့ ထိန်းချုပ်မှုနယ်မြေဖြစ်တဲ့ မူဆယ်မြို့နယ်၊ နမ့်အွမ်ကျေးရွာအုပ်စု ကိုဦးတည်သွားတဲ့ SSPP/SSA လက်အောက်ခံ တပ်ရင်း ၈၅၁ စစ်ကြောင်းအား မိုင်းယုကျေးရွာအုပ်စု ဖာပိန်းကျေးရွာနဲ့ မန်ပန်ကျေးရွာကြားမှာ ပလောင်တပ်ဖွဲ့ TNLAရဲ့ စစ်ဦးစီးချုပ်ရဲ့ လက်အောက်မှာရှိတဲ့ သာဟိုပလန်(မိုင်အောင်မိန်း)နဲ့ တပ်ရင်း ၈၇၆ နှစ်ခုပေါင်း လူအင်အား ၁၅၀ ယောက် ရှိတဲ့ အင်အားနဲ့အတူ ပလောင်တပ်ဖွဲ့ TNLAမှ မန်ပန်ရွှာမှာ လာစောင့်ခိုပြီး SSPP/SSAစစ်ကြောင်းအား ခြုံခိုတိုက်ခိုက်ခဲ့တာကြောင့် နေ့လယ် ၁ နာရီခွဲဝန်းကျင်မှ ညနေ ၅ နာရီအထိ တိုက်ပွဲပြင်းထန်ခဲ့ပါတယ်။
အဆိုပါတိုက်ပွဲပြီးနောက် နှစ်ဦးနှစ်ဖက်စစ်ရေးတင်းမာနေချိန်ဖြစ်တာကြောင့် တိုက်ပွဲထဲမှ အကျအဆုံးကိုတော့ရှိပေမယ့် အသေးစိတ်တော့ မသိရသေးပါဘူး။
photo credit.
