စက်တင်ဘာ ၅ရက်၊၂၀၂၃
မန္တလေးတိုင်း၊ ညောင်ဦးမြို့တွင် ကင်းလှည့်နေသော စစ်တပ် Double Cab ကား လာသည့် လမ်းပေါ်တွင်ပင် မိုင်းထောင်ဖောက်ခွဲတိုက်ခိုက်ခဲ့ရာ စစ်သား ၁ ဦး ဗိုက်ပေါက်သေဆုံးပြီး စစ်သား ၂ ဦးနှင့် ပြည်သူ ၁ ဦး စုစုပေါင်း ၃ ဦးဒဏ်ရာရရှိကြောင်း ဒေသပြည်သူများထံမှ သိရှိရသည်။
စက်တင်ဘာလ ၄ ရက်နေ့ ညနေ ၃ နာရီခွဲအချိန် ညောင်ဦးမြို့၊ အမှတ် ၅ ရပ်ကွက်တွင် မြို့နယ်အဆင့် ဘောလုံးပြိုင်ပွဲ ကျင်းပနေပြီး ယင်းဘောလုံးပွဲအတွက် စစ်တပ်က Double Cab အမျိုးအစား ယာဉ်ဖြင့် လှည့်ကင်းလှည့်လည်နေစဥ် မိုင်းထောင်ဖောက်ခွဲခံရကြောင်း သိရသည်။
အဆိုပါဖြစ်စဥ်ကြောင့် ဒဏ်ရာရရှိသူများကို ဆေးရုံတွင် ဆေးကုသမှုခံယူလျက်ရှိသည်။
Credit -photo
