ရွှေစျေး နဲ့ ဒေါ်လာစျေး ထိန်းမရအောင် တစ်ဟုန်ထိုးမြှင့်

ဒီကနေ့ သြဂုတ်လ ၁၂ ရက်အထိ ရွှေစျေး တစ်ကျပ်သားကို ၃၇ သိန်း နှင့် ဒေါ်လာစျေး တစ်ဒေါ်လာ ကို မြန်မာငွေ ၃၅၀၀ ကျပ်အထိ တိုးမြှင့် လို့ လာနေပါတယ်။

ရွှေစျေး နဲ့ ဒေါ်လာစျေး သာမက အိမ်နီးချင်းနိုင်ငံ တရုတ် ယွမ်ငွေစျေးလည်း ၁၀၀ ယွမ်ကို မြန်မာငွေ ၅ သောင်းကျပ်အထိ ပေါက်စျေး ရှိနေပါတယ်။

ရွှေ ၊ ဒေါ်လာ နဲ့ ယွမ် စျေးတို့ တက်နေခြင်းက ပြီးခဲ့တဲ့ ဇူလိုင်လ ၂၃ ရက်နေ့က အာဏာသိမ်း စစ်ကောင်စီက မြန်မာငွေ ၂ သောင်းတန် ထုတ်မယ်လို့ ကြောညာပြီးကတည်းက တက်လာခဲ့ပေမဲ့ သြဂုတ်လ ၈ ရက်တွင် သိသိသာသာ တစ်ဟုန် ထိုးမြှင့်လို့ လာပါတယ်။

ဒီကနေ့ အထိ ရွှေ ၊ ဒေါ်လာ နဲ့ ယွမ် စျေး တို့ တက်နေခြင်းကြောင့် ဆန် တစ်အိတ်ကို ပျမ်းမျှ ၁ သိန်း ဝန်းကျင် ၊ စားသုံးဆီ ၁၀ ပိဿာ ၁ ပုံး ကို ပျမ်းမျှ ၁ သိန်းကျော် ဝန်းကျင် ၊ ကြက်သွန် ၁ ပိဿာ ကို ၆ ထောင် ဝန်းကျင် နှင့် စက်သုံးဆီ ၊ စားသုံးကုန် အမျိုးမျိုးတို့လည်း တိုးမြှင့် လို့လာနေပါတယ်။

ပြီးခဲ့တဲ့ ဇွန်လ ၂၁ ရက်နေ့ကလည်း မြန်မာ့နိုင်ငံခြား ကုန်သွယ်မှုဘဏ် ( MFTB ) ၊ ရင်းနှီးမြှုပ်နှံမှု နဲ့ ကူးသန်းရောင်းဝယ်ရေးဘဏ် ( MICB ) တို့ကို အမေရိကန်က စီးပွားရေးပိတ်ဆို့မှု ပြုလုပ်ခဲ့ကြောင်း သိရပါတယ်။