Shan State Channel
31-12-2022
ရှမ်းပြည်နယ်မြောက်ပိုင်း မူဆယ်မြို့နယ် ပြည်သူ့ဆေး ရုံကြီးအနီးမှာရှိတဲ့ လိူင် ဗွီးရှင်း မျက်မှန်ဆိုင် နှင့် စွမ်ဆော် ရပ်ကွက်က ကိုးကန့်စီးကရက်စက်ရုံအနီးမှာ ပေါက်ကွဲမူ့ ဖြစ်ပွားခဲ့တယ်လို့ဒေသခံတွေစီကနေကြား သိရပါတယ်။
မနေ့က ဒီဇင်ဘာ ၃၀ ရက် ည ၇း၀၀ ကျော်မှာ မူဆယ်မြို့တွင်း တောင်ရပ်ကွပ် လမ်းမကြီးနံဘေး ပြည်သူ့ဆေးရုံကြီးအနီးမှာရှိတဲ့ လိူင်ဗွီးရှင်းမျက်မှန်ဆိုင် နှင့် စွမ်ဆော် ရပ်ကွက် ကိုးကန့်စီးကရက်စက်ရုံအနီး အဲ့ဒီနှစ်နေရာမှာ တစ်ချိန်တည်း ပေါက်ကွဲမူဖြစ်ပွားခဲ့တာပါ။
“ဆေးရုံအနီးတဝိုက် လိူင် ဗွီးရှင်း မျက်မှန်ဆိုင်မှာ မိုင်းကွဲတာ လူကိုထိတာတော့မတွေ့မိဘူး မိုင်းကွဲတဲ့ပါတ်ဝန်းကျင်အနီးတဝိုက်မှာတော့ နည်းနည်းပျက်စီးသွားတာတွေ့တယ် အနီးကပ်တော့သွားမကြည့်ရဲဘူး “ လို့ မျက်မြင် တစ်ဦးကပြောပါတယ်။
တစ်ချိန်တည်းမှာပဲ စွမ်ဆော်ရပ်ကွက် ကိုးကန့်စီးက ရက် စက်ရုံအနီးမှာလဲ ပေါက်ကွဲမူတစ်ခါဖြစ်ပွားတယ် လို့ ဒေသခံတစ်ဦးကလဲ ဆိုပါတယ်။
မူဆယ်မြို့နယ်မှာ စစ်ကောင်စီတပ်ဖွဲ့အပြင် ပြည်သူ့စစ်တပ်ဖွဲ့နှင့် တိုင်းရင်းသားလက်နက်ကိုင်များဖြစ်တဲ့ SSPP/SSA ရှမ်းတပ်ဖွဲ့ ၊ MNDAA ကိုးကန့်တပ်ဖွဲ့ TNLA တအာင်းပလောင်တပ်ဖွဲ့ ၊ ဒေသကာကွယ်ရေး PDF တပ်ဖွဲ့ တို့ လူပ်ရှားတဲ့နယ်မြေဖြစ်ပါတယ်။
