ပြီးခဲ့တဲ့ 20.08.2022 ရက်နေ့က စစ်ကောင်စီတပ် အမှတ် ၃၂၄ ခန့်မှန်းအင်အား ၇၀ ခန့်မှ မန်တုံမြို့နယ် နမ့်ဟိုင်းကျေးရွာ အုပ်စု နမ့်ဟိုင်းရွာကနေ နမ္မတူမြို့ဘက်ကို ဦးတည်သွားတယ်လို့ သိရပါတယ်။
နမ့်ဟိုင်းရွာကျော်ပြီး ဝမ်ဝါ ရွာရဲ့ မြောက်ဘက်ရောက်ခါနီးမှာ KIA ဘက်က ဝမ်ဝါရွာနားရှိ လမ်းတစ်ဝိုက်မှာ စောင့်ကြို စတင်ပစ်ခတ်ခဲ့ပါတယ်၊ ဒီပစ်ခတ်မှု ဖြစ်တဲ့နေရာက မန်တုံမြို့နယ် မိုင်းမော်ကျေးရွာအုပ်စု နားလေရွာ နဲ့ ဝမ် ဝါ ရွာကြားမှာ တိုက်ပွဲဖြစ်ပွားခဲ့တယ်လို့သိရပါတယ် ၊ နှစ်ဖက်တိုက်ပွဲဖြစ်ပွားချိန်က မနက် 8 နာရီ 40 မိနစ် ကနေ မနက် 9 နာရီ 30 မိနစ်မှာ နှစ်ဖက်တိုက်ပွဲ ရပ်တန့်သွားတယ်လို့သိရပါတယ်၊ နှစ်ဖက်စလုံးရဲ့ ကျဆုံးထိခိုက်မှုကိုတော့ အသေးစိတ်မသိရသေးပါဘူး။
ပြီးခဲ့တဲ့19.08.2022 ရက်နေ့တုန်းကလည်း စစ်ကောင်စီမန်တုံတပ် အမှတ် ၁၃၀ အင်အား ၅၀ ခန့်က နမ္မတူ ပန်ဟိုင်းကနေ မန်တုံမြို့နယ် မိုင်းမော်ကျေးရွာအုပ်စု ဘက်ကို ဦးတည်သွားတယ်လို့သိရပါတယ်၊ 21.08.2022 ရက်နေ့ မနက်ပိုင်း ၈နာရီ ၃၀ မိနစ် မှာတော့မိုင်းတတ်ကျေးရွာကို ဖြတ်သွားတယ်လို့ သိရှိရပါသည်။
